-A A +A
Theme trigger
Blue
Default Apply
Green
Brunswick Green Apply

/भारतीय कृषी पणन व माहिती विश्लेषण केंद्र

जागतिक बँक अर्थसहाय्यित
महाराष्ट्र स्पर्धाक्षम कृषी विकास प्रकल्प

भारतीय कृषी विपणन माहिती विश्लेषण केंद्र

यंत्रणेचे स्वरूप

राज्यातील शेतकऱ्याना निवडक शेतमाल लागवडपूर्व व काढणीपश्चात बाजारभाव उपलब्ध करून शेतमालाच्या विक्री मूल्यामध्ये वाढ होऊन फायदा व्हावा या उद्देशाने राज्यस्तरावर कार्यरत एकमेव यंत्रणा आहे .

यंत्रणेचे उद्दिष्ट

  • कृषी फलोप्तादन व पशुधन यांचे विपणन व किमती बाबत शेतकरी व अन्य घटकांच्या गरजे नुसार माहिती उपलब्ध करून देणे.
  • कृषीउत्पन्न बाजार समित्या , Agmarknet, NECC, NCDEX, MCX इ. स्त्रोतामधून शेतमाल व पशुधनाच्या किमती बाबत माहिती प्राप्त करून दीर्घकालीन अंदाज वर्तविणारे मोडेल्स तयार करणे.
  • शेतकरी, शासन, वित्तीय संस्था, शेतमाल उत्पादन व विपणन शेत्रातील संस्था, सलग्न शासन विभागातील अधिकारी इ. घटकांसाठी शेतमाल किमती व विपणन संबंधी कार्यशाळा, चर्चासत्रे, शिबीरे, पोस्टर, प्रदर्शन इ.कार्यक्रमांचे आयोजन करून जागृत करणे.
  • शेतकरी व अन्य घटकांन अलर्ट, आउटलुकरिपोर्ट्स, एस.एम.एस.इ. द्वारे माहिती उपलब्ध करून देणे. ही माहिती  संकेतस्थळावर प्रकाशित करणे तसेच आवश्यकते नुसार दैनिके, दूरचित्रवाणी, भ्रमणध्वनी नेटवर्क, रेडीओ इ. द्वारे प्रसारित करणे.

यंत्रणेची उपयुक्तता

या यंत्रणेद्वारे पुरविण्यात येणाऱ्या माहितीच्या आधारे शेतकऱ्यांना विविध पिकांच्या संदर्भात लागवडपूर्व व काढणीपश्चात नियोजन करणे शक्य होईल.तसेच कोणत्या पिकाचे किती उत्पादन घ्यावयाचे, ते उत्पादन कधी व कोठे विक्री करावयाचे या विषयी शेतकऱ्यांना योग्य ते निर्णय घेता येतील. ज्यामुळे शेतकऱ्यांच्या आर्थिक उत्पन्नात वाढ होण्यास मदत होईल.

अशा प्रकारची माहिती हि शेतकरी, शासन, धोरणकर्ते, व्यापारी, प्रक्रियादार उद्योजक, आयात व निर्यातदार, किरकोळ विक्रेते, उपभोक्ता, कृषी विषयक घटक यांना उपयुक्त ठरेल.यामुळे प्रादेशिक, देशांतर्गत व आंतरराष्ट्रीय बाजारपेठांमध्ये शेतमालाचे उत्पादन व किमतीविषयक धोरणांमध्ये समन्वय साधला जाऊन दिर्घकालावधीत शेतकऱ्यांना आर्थिक फायदा होईल.

यंत्रणेद्वारे द्यावयाची माहिती

शेतमालसंबंधी खालील माहिती देण्यात येईल

  • शेतमालाची वर्गवारी व बाजारपेठ निहाय भविष्यातील किमतीची माहिती.
  • कृषी विपणन व किमतीविषयक मासिक व वार्षिक अहवालांचे प्रसारण.
  • शेतमाल निहाय हंगामी स्पॅाट मार्केट मधील किमतीचे अंदाज.
  • पुढील वर्षातील शेतमाल निहाय मध्यम व दीर्घकालीन किमतींचे अंदाज.
  • नियोजनकर्ते व मागणीनुसार इतर विशेष अहवाल तयार केले जातील.

संभाव्य किमतींचे अहवाल

यंत्रणेमार्फत सोयाबीन ,मका, तूर व कांदा या पिकांच्या मागील दहा वर्षातील बाजारभाव व उत्पादन याचा शास्त्रशुध्द पद्धतीने अभ्यास करून पुढील कालावधीत संभाव्य किमतीचे अंदाज वर्तविण्यात येतात.

डिसक्लेमर -सदर अहवाल हा बाजाराची सद्यस्थिती व भविष्यातील किंमत विषयक अनुमान दर्शवितो. स्थानिक व आंतरराष्ट्रीय पातळीवर नैसर्गिक ( उदा. वातावरणातील बदल किंवा डिंकांवरील रोगराई ) तसेच आर्थिक घटकांमुळे संभाव्य किंमतीमध्ये बदल होऊ शकतो. वाचकांनी सदर अहवालाचा काळजीपूर्वक वापर करावा, अन्यथा होना-या नुकसानीस MACP प्रकल्प जबाबदार राहणार नाही.

अधिक माहितीसाठी कृपया संपर्क करा

प्रकल्प संचालक
महाराष्ट्र स्पर्धाक्षम कृषि विकास प्रकल्प
भारतीय कृषि विपणन माहिती व विश्लेषण केंद्र
प्लॉट एफ/इ/७८, पहिला मजला, भूविकास बॅंक इमारत,
मार्केटयार्ड, गुलटेकडी, पुणे – ४११ ०३७.
फोन : ०२० २४२७०३१५, वेबसाईट : https://macp.gov.in